ҚР жалпы білім беру ұйымдары басшыларының біліктілігін арттыру бағдарламасы бойынша курстың бірінші бетпе-бет кезеңін аяқтап оралған Мектеп басшысы Ажар Төкенқызы мектептегі тәжірибе кезеңінің алғашқы кезеңі - Мектепішілік «Балбұлақ» деңгейлік курс бітірген мұғалімдер қоғамдастығымен кездесуге дайындық үстінде.

МЕКТЕПТЕГІ ТӘЖІРИБЕ КЕЗЕҢІНІҢ 1-КҮНІ.

Мектепішілік "Балбұлақ" қоғамдастығы мен мектеп әкімшілігі бірлескен ауызша бетпе-бет талқылар арқылы сауалнамада мәліметтердің не үшін жиналғандығын қарастырдық. Отырыс барысында оқушы, ата-ана, персонал тарапынан алынған мәліметтер талқыланып, сауалнамаға қатысқан әрбір респондент жауаптарының жалпы мектептегі оқыту мен оқу тәжірибесін дамыту үдерісінің маңызды элемент екендігіне көз жеткіздік. Сауалнаманың неге алынғанын, онымен әрі қарайғы жұмыс ретін айқындағаннан кейін қоғамдастық мүшелері ұжымға шығу жолдарын қарастырды. 26.04.16 ұжыммен аталмыш мәселені коучинг түрінде зерделеу шешіліп, оның жоспары құрылып, жауапты көшбасшы айқындалды.

МЕКТЕПТЕГІ ТӘЖІРИБЕ КЕЗЕҢІНІҢ 2-КҮНІ.

Мектепті дамыту жоспарына негіз болатын мектептің оқу мен оқытудағы бүгінгі хал-ахуалын сараптау бойынша «Балбұлақ» қоғамдастығының мүшесі, ІІ деңгей бағдарламасын тәмамдаған, мектеп басшысының тәлімгерлігіндегі тарих мұғалімі Б.Б.Накупова коучинг-сессия өткізді.

Мақсаты: Мектептің педагогикалық ұжымының сараптауымен курсалды алынған сауалнамалардың қорытындысынан мектептің даму жоспарына енгізілетін басымдылықты айқындау және МДЖ өзгерістер енгізу.

«Technology in Education» бейне фильмімен ой қозғалды. Әр топ спикерлері ХХІ ғасырдағы болып жатқан және болатын әлемдік өзгерістердің білім беру саласынан бастау алу керектігін атады. Топтағы жұмыста «Алтын ережеге» сүйене отырып, ата-ана, оқушы, мектеп персоналынан алынған сауалнама егжей-тегжейлі зерделенді, нәтижесін топ спикерлерінің қорғауынан көрдік. 2 жұлдыз, бір тілек барысында көптеген қызықты талқылаулар орын алды. Мектеп мұғалімдері өздігінен басымдылықтарды айқындағандарына және ол басымдылықтардың менің бірінші бетпе-бет барысында жасаған сараптама жұмысымның қорытынды презентациясындағы мәліметтермен сәйкес келгеніне тәнті болды. Бұл мәселені шешу үшін не істеуіміз керек? Нені өзгертеміз? Қалай өзгертеміз? Кім өзгертеді? Деген бірқатар сұрақтар аясында ой толғаныс болды. Коучинг-сессияның соңында «Қаздардың сабағы» бейне ролигі педагогтар ұжымын қатты толғандырды. Бөлінген көшбасшылықтың рөлі айқындалды.

МЕКТЕПТЕГІ ТӘЖІРИБЕ КЕЗЕҢІНІҢ 3-КҮНІ

іске асыру мақсатында өткізілетін жеті модульді қамтитын «Сапалы оқыту» коучингі барысы «Балбұлақ» қоғамдастығы және тәлім алушы ұстаздармен талқыланып, жоспар құрылды. Алғашқы Қа­лай оқу ке­рек­ті­гін үй­ре­ну, Сы­нып­та­ғы диалогтік оқыту модулі бойынша Накупова Б.Б бақылауымен ІІІ деңгей курсын тәмамдаған денешынықтыру пәні мұғалімі Б.Ш.Машимов көшбасшылық етіп мектеп ұжымына ұсынады.

МЕКТЕПТЕГІ ТӘЖІРИБЕ КЕЗЕҢІНІҢ 4-КҮНІ.

Бүгін ІІІ деңгейлі денешынықтыру мұғалімі Бауыржан Машимов оқу мен оқытудың жаңа әдістері бойынша коучинг өткізді. Алдыңғы өткен коучинг-сессияға кері байланыста әріптестер олқылық болған бағалау критерийін шығарды. Шығу парағында ұжым атқарылып жатқан іс-шараларды, енгізіліп жатқан өзгерістерді қолдайтындарын атап өтумен қатар мектептің даму жоспарына енгізуге жасаған ұсыныстар қарастырылды және ескерілді (МЖД жобасы зерделенді).

Бауыржан Машимов коучингті қатысушыларды көңілді жаттығу орындатып, сергітіп, көңілдерін көтеріп алғаннан кейін топқа бөлуден бастады. Оқуды үйрету мен диалогтік оқытуды жаңа әдістермен (диалог түрінде, мектептегі жағдаятты инсценировкамен топтардың шығармашылықпен) меңгеру тиімді де қызықты болды. Мұндай жұмыс түрлері кәсіби нығаюды да, ұжымның ынтымақтастығын арттыруды да қамтамасыз етеді.