"Павлодар қаласының туберкулез жұқтырған балаларға арналған санаторлық үлгідегі №22 сәбилер бақшасы" мемлекеттік қазыналық коммуналдық кәсіпорны 2010 жылы 15 желтоқсанда өз есігін ашты.

Сәбилер бақшасында 2 жастан 7 жасқа дейінгі балаларға арналған 10 топ жұмыс істейді. 7 топ мемлекеттік тілде, 3 топ орыс тілінде оқытылады. Балаларға арналған заманауй жабдықталған топтық бөлмелер, ән-күй және спорт зал, физиокабинет, қазақ тілімен ағылшын тіліне арналған кабинет, логопед және психолог кабинеттері бар. Тәрбиешілермен, балалармен бірге жоғары білікті логопед, психолог, музыкалық жетекшілер, хореограф, дене шынықтыру нұсқаушасы, әлеуметтік педагог жұмыс істейді. Біздің мақсатымыз баланың денсаулығын сақтау және толықтыру, оған жан-жақты дамуын қамтамасыз ету және әр тәрбиеленушінің өзіндігін дамыту.