ҰЛЫ ЖЕҢІСТІҢ 70 ЖЫЛДЫҒЫНА ОРАЙ ПАВЛОДАР ҚАЛАСЫНЫҢ №22 ЖОББМ-НЕ ХАЛЫҚ ҚАҺАРМАНЫ БАУЫРЖАН МОМЫШҰЛЫ ЕСІМІ БЕРІЛДІ

«Жақсының аты өлмейді» демекші, елімізде Бауыржан Момышұлы атындағы мектептер ашылып, жас ұрпақты ұлттық патриоттық рухта тәрбиелеу мәселесіне ерекше көңіл бөлінуде. Ұлы Жеңістің 70 жылдығына орай Павлодар қаласының №22 ЖОББМ-не Қазақтың қаһарман ұлы Бауыржан Момышұлы батырдың есімі берілді. Сонымен қатар 2015 жылдың 8 мамыр күні мектепте Ұлы Жеңістің 70 жылдығына және Ұлы Отан соғысының даңқты батыры Бауыржан Момышұлының аты иегері болуына орай салтанатты митинг өтті. Салтанатты митингті мектеп директоры Мамбетова Майра Кабиденқызы құттықтау сөзімен ашты. Жиынға ҚР ардагерлер ұйымының өкілдері, ұстаздар, ата-аналар, «Жас Бауыржаншылар» мүшелері қатысты. Салтанатты жиынға «Евразия 1» мен «Қазақстан-Павлодар» арналарының өкілдері келіп, қонақтардан, ұстаздардан, оқушылардан сұхбат алды.