Қазақ хандығының 550 жылдығы
Қазақ хандығының 550 жылдығы
2015 жылы Қазақ хандығының құрылғанына 550 жыл толады. Елбасы Нұрсұлтан Назарбаев, таяуда Астана қаласының активінде айтулы күнді атап өту керектігі туралы айтқан болатын. Тарихқа үңілетін болсақ, қазақ хандығы XV ғасырдың ортасында құрылды. Хандықтың құрылуы Керей мен Жәнібектің басшылығымен Шу мен Талас өзендерінің жазығына бастау алған. Бұл оқиға қазақ халқының тарихындағы маңызды оқиға болды. 
Ол ұлан-байтақ өңірді мекендеген қазақ тайпаларының басын қосып шоғырландыруда, қазақтың этникалық аумағын біріктіруде, қазақтың байырғы заманнан басталған өз алдына жеке ел болып қалыптасуын біржолата аяқтауда аса маңызды және түбегейлі шешуші рөл атқарды. «Бүкіл дүниежүзі алдында қазақ мемлекеті өзінің дербестігімен және әртүрлі халықаралық саясаттағы рөлімен көзге түсуде. Сондықтан, мемлекетіміздің 550 жылдық тарихын кең көлемде атап өтудің маңызы зор», - дейді тарихшы Мұхтарбек Кәрімов. 
Қазақ хандығына 550 жылдығына арналған іс шара
Қазақ Хандығының 550 жылдығына орай қалалық Мәдениет сарайында ХХІ ғасыр көшбасшысы зияткерлік сайысында үздік білім көрсеткен үшін №22 жалпы орта білім беру мектебінің оқушылары мадақтамамен марапатталды. 
