№ 35 мектеп директоры

Асаинов Мұрат Бәкенұлы

                "Әттең, халқымды бақытты қылар едім, құдыретім жетпейді,

                Әттең, таңнын нұрын құяр едім, шапағатым жетпейді,

                Әттен, жақсылық күнін сыйлар едім, жамандық түні кетпейді,

                Ұрпақ үшін жан салайық, өмір босқа өтпейді!"

                                                                               Мұхаммед Рахым Құрсабаев

      «Жаңа әлемдегі жаңа Қазақстанды құру» біздің алдымызға үлкен мақсаттар қойып отыр. Ол – жеке тұлғаның, қоғамның, экономиканың қажеттіліктерін қанағаттандыру үшін бәсекелестікке қабілетті білім беру жүйесін қалыптастыру. Осы мақсатқа қол жеткізу үшін біз бәсекеге қабілетті, кез-келген ортаға бейімделе алатын, құзіретті, шығармашыл, білімді тұлғаны дамыту бағытында еңбектенудеміз.

Құрметті ұстаздар, педагогикалық еңбек арадагерлері!

    Мұғалім мамандығы әрқашан құрметті де абыройлы мамандықтардың бірі болып келді және солай бола бермек.

   Мұғалім оқушының интллектуалды және шығармашылық мүмкіндіктерін дамытумен қатар жоғары рухани құндылықтар отансүйгіштік пен азаматтық жауапкершілікке үйретіп, ғылым мен білім әлемін танып-білуге көмектеседі.   

   Бүгінде ұстаздар қауымы алдында Қазақстан байлығын сақтап, арттыра алатын, жоғары білімді және әлеуметтік белсенді азаматтарды тәрбиелеу сынды маңызды міндеттер тұр. Бұған – мектеп оқушыларының бірыңғай ұллтық тестілеу, пән олимпиадалары мен шығармашылық байқаулардағы жоғары нәтижелері дәлел.

    Қымбатты ұстаздар, қажырлы еңбектеріңіз, төзімділіктеріңіз бен қамқорлықтарыңыз үшін зор алғысымды білдіремін. Шығармашылық табыс және жарқын болашаққа деген сенім тілеймін.