Мектеп жасына дейінгі балаларға арналған карантин уақытындағы ойындары.

Ата-аналарға арналған жадынама

Карантин — ауру ошағын толық оңашалау және ондағы ауруды толық жоюды қарастыратын шаралар жүйесі.

Карантин(итал. quarantena, quaranta giorni сөзінен – қырық күн) – эпидемиялық ошақтан инфекциялық аурулардың таралуының алдын алу және ошағын жою үшін жүргізілетін іс-шаралар жүйесі. Егер балабақшада инфекциялық ауру анықталса (тұмау мысалы), онда ауырған бала келетін топқа карантин жарияланады. Карантин мерзімдері аурудың инкубуциялық кезеңінің барынша ұзақтығы туралы мәліметтердің негізінде белгіленеді. Демек, тұмау мен скарлатинде карантин 7 күнге, желшешекте, қызамық пен паротитте 21 күнге, менингоккок инфекциясында 10 күнге, ал вирустық менингитте 20 күнге созылады. Ал короновирус инкубуциялық кезеңінің барынша ұзақтығы 14 күн болады.

Карантин кезінде ата-аналар балаларымен не істеу керектігін білмейді, бірақ олар өсуді жалғастыруы керек. Не істеу? Әрине, ең алдымен баланың гигиенасын, дұрыс тамақтануын, дәрумендерін қадағалаңыз, таза ауа, үйдегі қауіпсіздік техникасы туралы ұмытпаңыз. Біз карантиндік ойындарды ұсынамыз.

Мектеп жасына дейінгі балалардың жан-жақты дамуы үшін ойынның рөлі ерекше. Ойын – бала әрекетінің негізгі түрі. Ойын арқылы балалар қоғамдық тәжірибені меңгереді, өзінің психологиялық ерекшеліктерін қалыптастырады.

Ойын үстінде бала өзін еркін ұстайды,ал еркіндік дегеніміз барлық дамудың баспалдағы. Сондай –ақ ойын баланың болашақ өміріне есік ашып, оның ізденімпаздық, тапқырлық қабілетін оятады. Осы тұрғыда баланың байқағыштық, зерттеп салыстыру, сезім қабілетін дамытуға, баланың заттарды белгілері бойынша тану, түйсіну қабілетін ұштап қана қоймай, сонымен қатар сөздік қорын молайтуда дидактикалық ойындардың орны ерекше болып табылады.

Карантин мезгілінде балалардың көп уақыты үйде өтеді.Ал үйде отырған бала гаджеттен шығара алмайсың. Ендеше балаңыздың көңілін аулап, онымен қызықты уақыт өткізгіңіз келсе, мына ойындарды бірге ойнап көріңіз. 

1. "Тиын тастау"

"Тиын тастау"  балалардың көз және қол координациясын жақсартады. Оның үстіне бұл ойынға отбасының барлық мүшесі қатыса алады.  

Керек заттар:

- Тиындар;

- Пластик стақандар.

Қалай ойнайды?

1. Әр қатысушы 5 тиыннан алады.
2. Стақанды столдың немесе орындықтың үстіне қойыңыз.
3. Балаңыз неше жаста болса, стақан тұрған жерден артқа қарай сонша рет қадам жасасын. Үлкендер баладан бес қадам алыстаса болады.

4. Бала қолындағы тиындарды стақанға лақтыруы керек.

5. Кім көбірек тиын салса, сол жеңіске жетеді.

Ескерту: Ойын алдында тиындарды жақсылап жуыңыз.

2. “Тыңда!”

Қызықты уақыт өткізумен қатар, бұл ойын балалардың музыкалық түйсігін жақсартып, зейінін арттырады.

Керек заттар:

- дыбысы анық шығатын заттар.

Қалай ойнайды?

1. Үйдегі дауысы ерекше шығатын заттарды (шыны ыдыс, тарақ, кітап, қалам және т.б.) жинап алыңыз.
2. Баланың көзін таңу қажет.
3. Баладан дыбыс арқылы затты дұрыс табуын сұраңыз.

3. «Әңгімешіл балалар»

Балаңыздан ойдан әңгіме құрауын сұраңыз. Бұл оның шығармашылық қырын дамытып, басқа ортада өзін еркін ұстап, еркін сөйлеуге үйретеді.  

Керегі:
- әңгімеге өзек болатын идеялар.

Қалай ойнайды?

1. Егер балаңыздың жасы үлкен болса, ортақ тақырып тауып, сол жайлы әңгіме құрап, баяндап беруін сұраңыз.
2. Егер балаңыз кіші болса, өзіңіз бір әңгімені бастап, соны жалғастыруын өтініңіз.

Ескерту: Балаңыздың әңгімесінде ешқандай мағына болмауы мүмкін. Сондықтан оны тоқтатуға немесе түзетуге тырыспаңыз. Бұл олардың ойын бұзады. Ойдан шығарылған әңгіменің шындыққа жанасуы міндетті емес.

Д/ойын «Ғажайып қоржын»

Мақсаты: Балаларды заттарды тиісті қасиеттеріне қарай ажырата білуге үйрету.

Ойын шарты: Қоржындағы затты сипап біліп атау. Бала затты дұрыс сипаттап бергеннен соң ғана зат қаптан алынып, балаларға көрсетіледі, ал дұрыс аталмаса қаптан алынбайды.

қажетті құралдар: Ғажайып қоржын. Балалар санына сәйкес, таныс ойыншықтар.

Д/ойын «Суретті құрастыр»

Мақсаты: Баланы бірнеше бөліктерден тұратын, бір тұтас суретті құрастыра білуге үйрету, төзімділікке, бастаған істі аяқтауға тәрбиелеу.

Ойын шарты: Сурет бөліктерін таңдағанда қателеспеу, кім тез өз суретін құрастырып, дұрыс атайды сол жеңімпаз атанады.

Ойын іс-әрекеті:Тұтас суретті құрастыру үшін тиісті бөлшектерін іздестіру.

Қажетті құралдар: Бірнеше бөлікке бөлінген түрлі заттардың суреттері.(көлімдері 7×8см карточкалар).

«Менің кім болып жұмыс істейтінімді тап»

Мақсаты:Мамандықтар туралы білімдерін бекіту.

Ойынның барысы:Әр бала қандай да бірмамандықты ойлап,жасырады,ал қалғандары оны табу керек.Балалар бір-бірден шығады,ал қалғандары сұрақ қояды.Жауаптарына байланысты бала «иә» немесе «жоқ»деп жауап береді. Міне,осы жауаптардан балалар сіздің мамандығыңызды табуы қажет.

«Сымсыз телефон»-ойыны 

Балалар сап түзеп тұрады. Ойын оңна солға не, солдан оңға қарай бір ыңғайда жүреді. Ойын басқарушы бірінші тұрған адамға құлағына сыбырлап, сөз не сөйлем айтады, ол келесі көршісіне сыбырлап естіген сөзін жеткізеді, осылайша соңғы адамға дейін жалғасады. Ал енді ойын басқарушы соңғы адамнан бастап сұрайды. Мүмкін соны қате естіп, өзгерткен адам айып өтейді. Айып әр түрлі: ән салу, би билеу, өлең оқу, сол сияқтылар.

Балалармен гольф және т.б ойындарды жасауға.

Балалардың COVID – 19 алдын алу бойынша

ата-аналарға арналған жадынама

• Ауа тамшысы арқылы берілу жолын болдырмау үшін не істеу керек?
• балаға жөтелу немесе түшкіру кезінде аузы мен мұрнын майлықпен жабуды үйретіңіз;
• балаға қолды жуудың дұрыс техникасын үйретіңіз;
• қоғамдық орындарға барғаннан кейін қолыңызды жуып, тері антисептикпен өңдеу керек;
• баланы аузына, мұрнына, көзіне тигізбеуге үйретіңіз;
• балаларды мұрнын, аузын және иегін жабатын етіп бетперде киюге үйретіңіз;
• бетперделерді әр 2 сағат сайын ауыстырыңыз;
• қолданғаннан кейін бетперделер мен майлықтарды тастаңыз.

Жұқтыру қаупін азайту мақсатында:

• қоғамдық көлікті пайдалануды шектеуге тырысыңыз;
• нашар желдетілетін бөлмелерден аулақ болыңыз;
• балаларды қоғамдық орындарда кемінде 1,5 метр қашықтықты сақтауға үйретіңіз;
• адамдар көп жиналатын орындарға баруды болдырмауға тырысыңыз;
• балалармен үлкен ойын алаңдарында, аулаларда, саябақтарда ойнамаңыз;
• сауда-ойын-сауық және білім беру орталықтарына баруды азайтыңыз.

Үйде:

• бөлмені күніне кемінде 1 рет үнемі желдетіңіз;
• үйде дезинфекциялаушы заттарды қолдана отырып, дымқыл тазалауды жиі жүргізіңіз;
• балалар ойыншықтарын 30 минут ішінде 56 градусқа дейін қыздырып, 70% спирт немесе хлор бар заттарды немесе ультракүлгін сәулелерді қолданыңыз.
• Есіңізде болсын, иммунитетті сақтау үшін балаға: теңдестірілген тамақтану, жеткілікті физикалық белсенділік және үнемі медициналық бақылау қажет.
• Жаңа туылған нәрестелер үшін ең жақсы тамақтану-бұл тек емізу
• Жоспарлы вакцинация Ұлттық егу күнтізбесіне сәйкес пандемия кезінде баланың жұқтыру қаупін арттырмайды және инфекция қоздырғышына қарсы иммундық реакцияны әлсіретпейді.