Павлодар қаласы білім беру бөлімінің әдістемелік кабинеті«TIMSS, PISA, ҰБТ, ОЖСБ-ға дайындық аясында оқушылардың функционалдық сауаттылығын қалыптастыру. Физика, химия, биология, география бойынша бағалауға арналған тапсырмаларды әзірлеу және сараптау» атты семинар-практикумды өткізді. Семинар-практикум онлайн формата өтті. Қаланың 100-ден астам педагогі қатысты.

 Семинарда Павлодар қаласы білім беру бөлімінің әдіскері Сабитова Назира Сайделенқызы Қазақстандағы PISA, TIMSS, ҰБТ білім беру деңгейін бағалау көрсеткіштері бойынша салыстырмалы талдау ұсынды. Көрсеткіштер өңірлер бөлінісінде кешенді түсінік беруге, бірнеше жыл ішіндегі динамиканы бақылауға мүмкіндік береді. Осыған байланысты диагностика жүргізу және мектептерде даму картасын әзірлеу, әр қатысушының жеке оқу жетістіктеріне арналған бөлімдер, оны алу түрлері мен тәсілдерін таңдау үшін кең мүмкіндіктер ұсыну бойынша ұсыныстар берілді. Елдегі әлеуметтік-экономикалық әл-ауқатқа назар аудару керек.

  Семинар-практикумның жұмысына республикалық деңгейдегі жаттықтырушылар, сарапшылар, қала және облыс мектептерінің жетекші мұғалімдері қатысты. «PISA, TIMSS контекстік тапсырмаларында іргелі білімді қолдану кезінде ойлаудың икемді дағдыларын дамыту» тақырыбы бойынша республикалық деңгейдегі жаттықтырушы, сарапшы, №24 мектептің физика пәнінің мұғалімі Виндерголер Наталья Валерьевна PISA тапсырмалары арқылы ғылымға қызығушылықты дамыту және пәндер бойынша креативті ойлаудың икемді (қатты және жұмсақ) дағдылары мәселелеріне тоқталды. «Оқушылардың қатаң және жұмсақ дағдыларын қалай дамыту керек» деген тренингін өткізді.

  Республикалық деңгейдегі жаттықтырушы, сарапшы, №21 мектептің география пәнінің мұғалімі Есмакаева Гүлмира Болатқызы оқушылардың креативті ойлауы мен функционалдық сауаттылығын дамыту ресурстары, генеративтік тақырыптарды зерттеу, танымдық қызметті дамыту және басқару стратегиясы туралы түсіндірме берді. Оның сөзінің рефлексиясы тренинг қатысушылармен «Армандаушы. Сыншы. Реалист» ретінде өткізілді.

  №6 мектептің биология пәнінің мұғалімі Алпысбаева Алтынай Жылқыбайқызы құрастыру әдістемесі бойынша оқушылардың функционалдық сауаттылығын бағалау бойынша мәтіндік тапсырмаларға талдау жүргізді. Мұғалімдермен сындарлы кері байланыс жасалды.

 Тәжірибе алмасу мақсатында дарынды балаларға арналған №3 облыстық мамандандырылған гимназия-мектебінің химия пәнінің мұғалімі Ирина Геннадьевна Айдинаның кездесуі мен семинарда сөз сөйлеуі ұйымдастырылды. Өз сөзінде ол ҰБТ - 2020, қорытынды аттестаттау өткізудің жаңа форматы туралы айтып өтті. ҰБТ-ға, онлайн тестілеуге дайындық бойынша электрондық сілтеме https://itest.kz/ru берілді. Аталған іс-шара материалдары әдістемелік кабинеттің және қала мектептерінің электронды сайттарында орналастырылған.