1 қыркүйектен бастап «Сарыарқа» шағын ауданында мектеп жұмыс істей бастайды. Оқыту тілі - мемлекеттік. Бір ауысымда 650 оқушы қабылдай алады.

Жаңа оқу орны кеңейтілген және тереңдетілген жаратылыстану-математикалық білім беруді қамтамасыз ететін лицей мәртебесінде жұмыс істейтін болады.

Мұғалімдер жаңа конкурстық іріктеу бойынша қабылданады. Педагогтің категорияларына, жұмыс тәжірибесіне, оқушылардың жетістіктеріне және мұғалімнің өз жетістігіне ерекше назар аударылатын болады. Бос жұмыс орындары туралы ақпарат goo.edu.kz сайтында орналастырылатын болады. Қабылдау шілде айының соңына дейін жоспарланған.

Балаларды бірінші сыныпқа қабылдау мектептің өзінде жүргізіледі. Қосымша ақпаратты 32-19-68, 61-60-85 телефондары арқылы алуға болады.