2023 жылғы 20 қаңтарда сағат 9.00-де Малайсары батыр атындағы ЖОМ «Павлодар дарыны» бос уақытты қамту және балалардың  дарындылығын   дамыту орталығымен  қазақ лигасының пікірсайысшылары  арасында ұлттық пікірсайыс турнирінің қалалық кезеңі  ұйымдастырылды.

Мақсаты - оқушылардың елде байқалатын өзекті жағдайларды талдау және көпшілік алдында талқылау арқылы шығармашылық және сыни ойлау қабілетін дамыту.

Турнирге мемлекеттік тілде оқытатын мектептерден 9 - 11 сынып оқушылары қатысады.

Турнир екі турда өтеді: іріктеу және қорытынды. Іріктеу кезеңі 3 ойыннан тұрады, оның қорытындысы бойынша қорытынды кезеңге қатысатын сегіз команда анықталады.

Барлық қатысушылар «Павлодар дарыны» бос уақытты  қамту және балалардың  дарындылығын дамыту орталығының сертификаттарымен марапатталады. Жеңімпаздар мен жүлдегерлер Павлодар қаласы  білім бөлімінің I, II, III дәрежелі дипломдарымен марапатталады. Жеңімпаз команда Ұлттық пікірсайыс турнирінің облыстық кезеңіне өтеді.

Павлодар қаласы білім бөлімі