Павлодар қаласы білім беру бөлімінің оқу-өндірістік комбинатының оқушысы Амира Жәтекей «Мен - репортермін» - «Я - репортер» республикалық байқауының күміс жүлдегері атанды. Байқау Астана қаласында өтті, ұйымдастырушы Қазақстан Республикасы Оқу-ағарту министрлігінің қосымша білім берудің Республикалық оқу-әдістемелік орталығы болып табылады.

Байқауға ол «Менің әлемім! Менің елім!» атты Отан туралы, Қазақстанның жетістіктері туралы репортаж-эссе ұсынды және Қазақстанның 400-ден астам оқушылардың арасында екінші орынға ие болды.

«Олар бәсекелестікке төтеп беріп, Павлодар журналистикасының деңгейін көрсетті. Бұл тамаша нәтиже», - дейді оқу комбинаты директорының орынбасары Светлана Леонидовна Новосёлова.

Амира № 26 жалпы орта білім беру мектебінде 11-сыныпта оқиды, екінші жыл «Ирбис» телеарнасының журналисті, тележүргізуші Артём Маратұлы Булановтың жетекшілігімен «Журналистика және блогинг» арнайы курсы бойынша оқу комбинатында білім алуда. Оқушылар «Ирбис» телеарнасында тәжірибеден өтіп, өз репортаждарын жасауды үйренеді.

Естеріңізге сала кетейік, оқу-өндірістік комбинаты павлодарлық оқушыларға 8 мамандық бойынша кәсіптік бағдар беретін білім беру ұйымы болып табылады. Мектеп оқушылары мамандыққа деген алғашқы қадамдарын және болашақ мамандықты саналы түрде таңдау үшін дайындығын қалыптастыруды 7-сыныптан бастайды. Қазіргі уақытта оқу комбинатында қаланың 34 мектебінен 7 - 11 сынып аралығындағы 2357 оқушысы оқиды.