Бүгін қаламыздың көркем жерлерінің бірі «Қоғамдық келісім» алаңында этномәдени киіз үй, көшпелі «Бірлік» лагері бастау алған болатын. Ертеңгі күндері бұл мереке қаламыздың 2-Павлодар №41ЖОМ, Усолка №25 ЖОМ, химқалашығы №16 лицей-мектебі, Павлодарское ауылында №40 ЖОМ, Кенжекөл кентінде КЖОМ , № 22 ЖОМ, №37 ЖОМ ауласында жалғаспақ. Бұл көшпелі лагердің негізгі міндеті басқа ұлт өкілдерінң тілімен, салт –дәстүрімен, ойындарымен таныстыру. Тіл меңгерту. Бүгін көшпелі этно – мәдени «Бірлік» лагерінде қала балаларын «Этножаз-2016» қызықты да көркем бағдарламалары ұсынылған болатын. Қатысушылар өздеріне ән мен бидің түрлі жанрларын ашып, ұлттық киімдер және салт дәстүрлермен танысты. Ал бұл шуақты бағдарламаны киізүйлерде орналасқан «Умната», «Глхарк», «Достық әлемі», «Тілашар», «Декор», «Нори», «Ареваин мозайка» станцияларында ұйымдастырды. Мерекеге қатысушыларды Павлодар қаласы білім бөлімі басшысының орынбасары Қ.М.Құспекова құттықтап балаларға жазғы демалыстарын керемет, мазмұнды өткізулерін тілеп, ең басты құндылық-достық екенін естен ұмытпауларын сұрады. Бірлік рухы мен шығармашылықты дамытуға бағытталған Ертіс өңірінің мәдениеті әлемінің қатысушылары болған мектеп жанындағы лагерлер мен профилдік лагердің балалар мен жасөспірімдері.