Бүгін 2016 жылғы 5 шілдеде Құрманғазы атындағы № 1 балалар музыка мектебінде «Аялаған Астана» фестивалі аясында «Екі жұлдыз» музыкалық конкурс өтті. Оған №1,2,3 БММ педагогтары мен оқушылары қатысты. Көрермендердің мерекелік көңіл-күйлері мен шынайы ілтипат білдіруі әртістердің толқуын бірден басты. Әртістер өнері бірінен-бірі өтті. Жүргізушілер конкурсанттарды сахнаға шақырғанда әрқайсысын жұмбақтап, қызықтыра шақырып отырды. Конкурс қатысушылары алғыс сөздер мен шығармашылық табыс, тілектерге бөленді. Жеңімпаздар № 2 балалар көркем сурет мектебінің тәрбиеленушілері ұсынған жүлделерге ие болды. «Екі жұлдыз» бірлескен шығармашылық фестиваль мектебіміздің дәстүрлі мерекесіне айналсын!