Павлодар қаласының Құрманғазы атындағы № 1 балалар музыка мектебінде 1 маусымнан оқушылардың концерттік тәжірибесі басталды. Жалпы тақырыппен біріктірілген концерттік бағдарламалар қызығушылық туғызып, біліммен нәрлендіріп, оқушыларды, педагогтар мен ата-аналарды жұмылдырады. Осындай өнер көрсетулер тағы бір, бәлкім ең маңызды мақсатқа жету: тыңдарманмен өз білімімен, қабілетімен, көңіл-күйімен, ерекше музыка өнері сыйлайтын барлық сезіммен бөлісу мүмкіндігін береді.

Тәжірибе алмасу мақсатында бұл күндері мектепке Қарағанды облысы Шахтинск қаласы № 1 балалар музыка мектебінің педагогтары Олег Николаевич Федоров, Ольга Викторовна Вайландт және оқушылары келді. Мектептің үрмелі бөлімі концертінде қонақтар да өз концерттік нөмірлерін қойып, өнер көрсетті. Біріктірілген тәжірибелік концертте Н. Тлендиевтің «Сарыжайлау», қазақ әндері тақырыбына попурри, «И это все о нем» кинофильмдегі музыка, «Пальцы Руди» В. Керм, «Скерцо» Б. Асафьев, «Черный кот» Ю.Саульский туындылары шырқалып, үрмелі аспаптар ансамблі Boney M тобының репертуарынан «Sunny» туындысын орындады. Тәжірибе алмасу шеңберінде шеберлік сағаттары, педагогтар мен оқушылар арасында қызықты шығармашылық әңгімелесу өткізілді.