2018 жылғы  27 желтоқсанда Павлодар қаласы жалпы орта мектеп директорларының кеңесі өткізілді.

Кеңес барысында Рухани жаңғыру бағдарламасын «Тәрбие және білім» кіші бағдарламасы арқылы жүзеге асыру, Білім беру бөлімінің басшысы мен білім беру мекеменің басшысы арасында мақсаттық көрсеткіш пен соңғы нәтижелердің жетістіктері бойынша меморандум туралы сұрақтар қарастырылды.

Оған қоса, 2018 жылғы жалпы орта білім беру пәндері бойынша 57 Республикалық олимпиаданың қалалық кезеңі талданды.

Өз сөзінде Павлодар қаласы білім беру бөлімінің басшысы С. О. Айтқазина білім беру бөлімімен жүзеге асатын «Тәрбие және білім» кіші бағдарламасының жобаларына баса назарды аударды. Мектептердің ресми веб-сайттарының қызметінің тиімділігі бойынша талдау критерийлері мен 2018 - 2019 оқу жылында ата-аналар қоғамдастығының алдында қоғамдық тыңдауларды өткізу концепциясы бойынша ұсынымдар берілді.