Павлодар қаласы К. Мақпалеев атындағы мектептің 7-сынып оқушысы Кирилл Свиридов қалалық Абай оқуларының (2018 жыл), «Мың бала» ғылыми-ағартушылық жобасының жүлдегері болып табылады және Г. Потанин атындағы облыстық өлкетану мұражайы өткізген Қазақстан Республикасының Тілдер күніне арналған іс-шараларда Қазақстан халқы Ассамблеясының Құрмет грамотасымен марапатталды. Қазақ тілі пәні бойынша қашықтық олимпиадасының жеңімпазы (2019 жыл), «Поэзия, менімен егіз бе едің?» атты республикалық шығармашылық байқауда ІІІ орынды (2018 жыл) иеленді.

Оның ұстазы, қазақ тілі мен әдебиеті пәнінің мұғалімі Манзиля Төлеубаева Кирилл 3 сыныптан бастап Абай Құнанбаевтың шығармашылығына қызығушылық таныта бастады. «Мен Абай Құнанбаевтың 30 өлеңін жатқа білемін. Абайдың өлеңдері арқылы мен қазақ халқының тарихын, әдет-ғұрпын түсіндім. Алдағы уақытта да қазақ әдебиетін тереңдетіп оқып, қазақ тілін жетік меңгеруге ниет білдіремін», - дейді Кирилл Свиридов. Айта кетерлік жайт, Абай мұражайының «Жидебай-Бөрілі» Ertis мұражайында экспозиция ашылған кезде Кирилл Свиридов «Сенбе жұртқа» өлеңін оқыды. Кирилл қазақ, ағылшын тілдерін үйренуде. Биология пәнінен мектеп олимпиадасында І орынға ие болды. Мектеп іс-шараларына белсенді қатысады. Шахмат, күреспен айналысады.

Қ. Мақпалеев атындағы мектепте 1406 оқушы оқиды, оқыту мемлекеттік және орыс тілдерінде жүргізіледі.