«Қазақстан халықтарының бірлігі күні» мерекесінің қарсаңында №96 сәбилер бақшасы «Радуга» үйлесімді даму Орталығында ересек топ балалары үшін музыкалық ойын-сауық өткізілді. Мерекеде балалар Достық қаласын іздеп саяхатқа аттанды, жолда олар қу және ашулы Шатақты кездестірді. Ол өзінің тентек мінезімен барлығын ұрыстырғысы келіп, Достық қаласына өтуге бөгет жасады. Саяхат барысында балалар ұлттық ойындар ойнап, әр тілде достық туралы мақал-мәтел айтып, ән салып, тақпақ айтты. Осындай әрекеттерімен олар тентек Шатаққа бір-бірлеріне көмектесіп, достаса білетіндерін дәлелдеді. Мереке достық туралы көңілді әнмен аяқталды.