Павлодар қаласы білім беру бөлімінің Балалар көркемсурет мектебінде 2021 жылдың 10 ақпанында мектеп ұстазы, суретші Алтын Ибраевна Кисамиденованың "Әр суреттегі күн сәулесі" атты жеке көрмесі ашылды. Көрмеге "Қазақ әйелдерінің-портреттері", "Менің қалам"-ғимараттар, Павлодар көшелері, "Алматы" - тау және ландшафттар, Үлкен Алматы көлінің жанындағы табиғат көріністері тақырыптарында 20 - дан астам суреттер ұсынылды.

Суретші көбінесе "Майлы кескіндеме", "Пастель" сияқты графикалық техникада жұмыс істейді. Майлы бояумен орындалған "Алматы", "Павлодар" бөліміндегі картиналары пленэр негізінде орындалған.

Жұмыстар 2015 жылы бір топ пікірлес суретшілермен бірге тауларда, саяжайларда, Алматы маңындағы саяжайларда, биік тауларда орналасқан Үлкен Алматы көлінде этюдтер, эскиздер, фотоматериалдар негізінде жазылды. Нобайлар акварельмен, гуашпен жазылды, одан әрі осы нобайлар негізінде суреттемелер жасалды, ал осы суреттемелер майлы кескіндеме техникасында кенепте орындалды, - дейді Алтын Ибраевна. Артынша, кенепте "Серпантинмен", "Алматы көлі","Тау бөктерінде", "Салқын соққы" картиналары пайда болды.

"Павлодар" атты бөлімге 30-ға жуық жұмыс кірді, ал көрмеге жұмыстардың бір бөлігі ұсынылды. Негізінен ескі қаланың орындарын "Чехов драма театры", "Көне қаланың күзі", "Алюминстрой ауданы", "Дачный микрорайоны", "Қарлы қыс" суреттерінен көруге болады.

Әрбір қала тұрғыны өз тарихын, өткенін, өз қаласын жақсы көреді, бағалайды, Мен өз шығармаларымда осы махаббатты білдіргім келді - бұл Ленин көшесіндегі ескі үйлер, қазір бұл Астана көшесі. Сондай - ақ, қаламызды жылдың әр мезгілінде суреттегенді ұнатамын-бұл қыс, күз, жаз. Көрмеде жыл мезгілдері-қыс, жаз, күз және дала сұлулығының 3 портреті ұсынылған. Портреттерде ұлттық киімдегі қазақ қыздарының бейнелері ұсынылған, осылайша мен ұлттық киім, әшекейлер призмасы арқылы қазақ, түркі әйелдерінің сұлулығын көрсеткім келді. Өйткені, әйелдің сұлулығы оның нәзіктігінде, мейірімділігінде, және жан дүниесінде, - дейді картиналардың авторы Ирбис телеарнасының журналистеріне.

Алтын Ибраевна мектебімізде екі жыл қатарынан жұмыс істеп келеді, ол "Кескіндеме", "Композиция", "Сурет", Сәндік қолданбалы өнер пәндерінен сабақ береді. Өз ісіне деген сүйіспеншілікпен және кәсібилігімен, әріптестері мен тәрбиеленушілерінің сеніміне ие болды. Өзінің жетістіктері мен өскелең ұрпақты тәрбиелеу ісіндегі көп жылғы еңбегі үшін Қазақстан Республикасы Білім Министрлігінің Құрмет грамотасымен марапатталды. Ол Қазақстан Суретшілер Одағы және "Таңшолпан" халықаралық тәуелсіз суретші әйелдер қорының мүшесі болып табылады. Оның жұмыстары Вильнюстегі өнер академиясында, Нұр-Сұлтан қаласындағы Ұлттық өнер мұражайында, Павлодар облыстық көркемсурет мұражайында сақтаулы. Ол табиғатынан дарынды суретші, оның әр жұмысында сіз күн сәулесін көре аласыз, мен оның әр жұмысын егжей - тегжейлі қарап, таңырқаймын", - деді мектебіміздің ұстазы, әріптесі Лариса Алексеевна Кузнецова.