Бүгін Павлодар қаласының Балалар көркемсурет мектебінің оқушылары Павлодар облысының ПД ЕҚБ ұйымдастырған «Есірткісіз өмір» фестиваліне қатысты. Мектептің 15 баласы «Біз салауатты өмір салтын қолдаймыз» тақырыбы бойынша өз суреттерін көрмеге ұсынды. Бүгінгі фестивальге келген басқа балалар асфальтқа бормен сурет салды. 13 жастағы Дильназ Жиенбекова «24канал» ТА-на берген сұхбатында, көркемсурет мектебінің оқушылары сүйікті істері - сурет салуға соншалықты құштар, олардың зерігетін уақыттары жоқ екенін және барлық балаларға спортпен, қандай да бір сүйікті істерімен мысалы, бимен, музыкамен, мүсіндеумен шұғылданып, бір сөзбен айтқанда, салауатты өмір салтын ұстанулары керек деді.