«Отбасымызға бейбітшілік орнасын» облыстық байқауының қорытындысы бойынша Достық үйінде үздік балалар суреттерінің көрмесі ашылды.Байқау Қазақстан халқының бірлігі күніне, Беларусьтің фашистік басқыншылардан азат етілуінің 80 жылдығына арналды.Байқауға жалпы білім беретін мектептердің жетпіске жуық оқушысы, облыстың қосымша білім беру ұйымдары, оның ішінде 30 павлодарлық оқушы қатысты, олардың 6-ы жүлделі орындарға ие болды.Павлодар қаласының Балалар көркемсурет мектебі «Беларусь» мәдени орталығымен бірлесіп ұйымдастырды.

       Мереке балаларды достық, бірлік, бейбітшілікті сақтау, өзара түсіністік тақырыбындағы көркем шығармашылықпен біріктірді.Көрмеге қойылған суреттер біздің көпұлтты Отанымыздың мейірімділігін, шуақты көңіл-күйін және жарқын түстерін көрсетті.Іс-шараға ұлттық стильдегі балалар көркемсурет мектебі оқушыларының сәндік-қолданбалы шығармашылығы, Беларусь сәндік-қолданбалы шығармашылығының жұмыстары ұсынылды.

        Байқау қорытындысы бойынша жиырма төрт қатысушы жүлделі орындарға ие болды, Достық үйінің ұжымдары марапатталып, өздерінің концерттік нөмірлермен өнер көрсетті.Павлодарлық қатысушылардың ішінен І орынды №26 ЖОББМ оқушысы Фомина София, 10 жаста, №36 ЖОББМ-нен Татьяна Зайцева, №2 ЖОББМ-нен Айым Теміржанова, 13 жаста, иеленді. ІІ орын Байтұрсынұлы атындағы ЖОББМ оқушылары Адель Дәулетбаева,12 жаста, көркемсурет мектебінің оқушылары Линара Мусалинова, 15 жаста, берілді. III орынды №36 ЖОББМ оқушысы Сабрина Аскерова, 11 жаста, иеленді.

     Жүлделі орындарға ие болған қатысушылар көркемсурет мектебі мен «Беларусь» мәдени орталығының түрлі деңгейдегі дипломдарымен марапатталды, Аружан Серік көркемсурет мектебінің оқушысы, 7 жаста, дипломмен марапатталды.