2022 жылғы 28 қаңтарда ОӨК-да ұйымдастырылған «Басқару, экономика және бизнес саласындағы мамандықтар айлығы»аясында «Кәсіпкерлік және бизнес негіздері»пәнін оқитын, сондай-ақ өз мамандығын осы саламен байланыстырғысы келетін 11 және 10-сынып оқушылары үшін Инновациялық Еуразия университетінің «Бизнес, білім және құқық»факультетінің мұғалімдерімен кездесу ұйымдастырылды.

Қонақтар - экономика ғылымдарының кандидаты, профессор Сергей Владимирович Беспалый және экономика ғылымдарының кандидаты, PhD, доцент Людмила Михайловна Давиденко ИнЕУ – дегі осы факультеттегі мамандықтар, оқыту жүйесі және тиімді білім беру әдістемелері туралы, университеттік стартап-акселератордың жұмысы туралы айтып берді.Оқушылар әртүрлі мамандықтағы павлодарлық студенттердің ірі қазақстандық және халықаралық стартап-платформаларда сәтті ұсынған әзірлемелері туралы біліп, жетістіктеріне таң қалды және шабыттанды. Осылайша, іс-шараның нәтижесінде жоғары сынып оқушылары мектептегі «Кәсіпкерлік және бизнес негіздері» пәнінің арқасында ең заманауи білім алатыны туралы тағы бір сенімді растау алды.