2021 жылы 8 қазанда  М.Әлімбаев  атындағы ЖОМ негізінде  кәмелетке толмағандар арасындағы құқық бұзушылықтың алдын алу бағдарламасы аясында қала мектептерінің оқушылары арасында екі күндік пікірсайыс турнирі аяқталды. "Павлодар дарыны" бос уақытты  қамту және балалардың  дарындылығын дамыту орталығы "Павлодар қаласының ішкі саясат бөлімі" ММ және "KAISAR - KZ"ҚБ бірлесіп турнир ұйымдастырушылары  болып табылады.

Турнирге № 11, 14, 16, 17, 18, 19, 20, 24, 26, 27, 29, 34, 43, Б. Момышұлы атындағы, М. Әлімбаев атындағы ,ЖЖОМ мектептерден 16 команда (32 қатысушы) қатысты.

Іріктеу кезеңінің қорытындысы бойынша 16 команданың ішінен тек 8 команда ғана қорытынды кезеңге өте алды. Олар № 11, 14, 16, 19, 20, 29, 34, ЖЖОМ мектептері. Дебат турнирі барысында оқушылар өздерінің шешендік шеберліктерін және көпшілік алдында сөйлеу дағдыларын көрсете алды.

Қорытынды кезеңнің қорытындысы бойынша 4 команда жеңімпаз және жүлдегер атанды.І дәрежелі дипломмен және ауыспалы кубокпен № 16 ЛМ "Кристалл" командасы, ІІ дәрежелі дипломмен № 34 ЖОМ "Атамекен" командасы, ІІІ дәрежелі дипломмен № 14 ЖОМ "Хақ" командасы марапатталды. Құрмет грамотасымен № 11 ЖОМ "Парасат" командасы марапатталды. Сондай-ақ, № 29 ЖОМ оқушысы Прахов Данил "Үздік спикер"номинациясына ие болды.Турнирдің барлық жеңімпаздары мен жүлдегерлері "KAISAR - KZ"қоғамдық бірлестігі ұсынған естелік сыйлықтармен марапатталды.

№ 16 мектеп-лицейінің жеңімпаз командасы 2021 жылдың 18 қазанында өтетін облыстық турнирге қатысады.

Турнирдің барлық қатысушылары "Павлодар дарыны" БУҚБДДО  серитификаттарын алады. Жеңімпаз және жүлдегер команда  жетекшілері алғыс хаттармен марапатталады.