2022 жылғы 20 қазанда сағат 9.00-де № 1 мектеп базасында Республика күнін мерекелеу аясында "Павлодар дарыны"  бос уақытты  қамту және балалардың   дарындылығын   дамыту орталығымен   қалалық пікірсайыс турнирі  ұйымдастырылады .

Мақсаты-оқушылардың елде байқалатын өзекті жағдайларды талдау және көпшілік алдында талқылау арқылы шығармашылық және сыни ойлау қабілетін дамыту.

Турнирге мемлекеттік тілде оқытатын мектептердің  9-11 сынып оқушылары қатысады.

Турнир екі турда өтеді: іріктеу және қорытынды. Іріктеу кезеңі 3 ойыннан тұрады, оның қорытындысы бойынша қорытынды кезеңге қатысатын сегіз команда анықталады.

Турнирдің жеңімпаздары мен жүлдегерлері "Павлодар дарыны" бос уақытты  қамту және балалардың   дарындылығын дамыту орталығының  Дипломдарымен марапатталады.