30 қарашада "Ертіс дарыны" өңірлік қосымша білім беру оқу – әдістемелік орталығы Торайғыров университет базасында 8-11 сынып оқушылары арасында жалпы білім беретін пәндер бойынша Республикалық зерттеу жобалары конкурсының облыстық кезеңін өткізді. Байқауға Павлодар қаласының жалпы білім беретін мектептерінің 58 оқушысы, облыстық іріктеу кезеңінің жеңімпаздары қатысты. Олар 13 секция бойынша 53 жоба ұсынды: физика, математика, информатика, экономика, химия, биология, қоршаған ортаны қорғау және адам денсаулығы, тарих, адам және қоғам, өлкетану, әдебиет (қазақ, орыс), этномәдениеттану және тіл білімі (қазақ, орыс, ағылшын).

         Байқау қорытындысы бойынша Павлодар қаласы мектептерінің 27 жобасымен 29 қатысушы 13 секция бойынша жүлделі орындарға ие болды, оның ішінде

І дәрежелі дипломмен 5 оқушы 5 жобамен

ІІ дәрежелі дипломмен-8 оқушы  7 жобамен,

ІІІ дәрежелі дипломмен - 16 оқушы15 жобамен  марапатталды.

         Облыстық кезеңнің жеңімпаздары мен жүлдегерлері – 8-11 сынып оқушылары үшін 2022 жылғы 13-14 желтоқсанда жалпы білім беретін пәндер бойынша тестілеу өтеді. Тестілеудің қорытындысы бойынша жаратылыстану-математикалық бағыттағы жобалар республикалық конкурсқа қатысу үшін алдын ала сараптамаға жіберілетін болады, қоғамдық-гуманитарлық бағыттағы 6 секция бойынша ең көп ұпай жинаған 12 жобаның авторлары республикалық кезеңге қатысады.

         Жеңімпаздар мен жүлдегерлердің тізімі қоса беріледі.