2023 жылғы 10 наурызда № 25 жалпы орта мектебінде «Robotek Grand Tournament» робототехника бойынша республикалық турнирдің облыстық кезеңі өткізілді.

Турнирдің мақсаты - жобалау және бағдарламалау, басқа да инновациялық білім беру технологиялары саласындағы дарынды оқушыларды анықтау және қолдау, мықты спортшыларды іріктеу және робототехника бойынша республикалық және халықаралық чемпионаттарға қатысу үшін облыстың құрама командаларын қалыптастыру.

Турнирге 74 командадан тұратын 148 оқушы қатысты, оның ішінде Павлодар қаласының 10 мектебінен 14 командадан тұратын 28 оқушы.

Турнир келесі жеті санат бойынша өтті:

1. Робо-сумо - 9-12 жас

2. Эстафета - 10-17 жас

3. Сызық бойынша жарыс - 14-17 жас

4. Кегельринг-квадро – 10-13 жас

5. Биатлон кіші санат – 10-13 жас

6. Биатлон ағасанат – 14-17 жас

7. Лабиринт-14-17 жас

Турнир қорытындысы бойынша ең көп ұпай жинаған 9 командалардың жеңімпаздары мен жүлдегерлері атанды:

- «Лабиринт» санатында І орын № 25 мектептің командасына,  ІII орын – Ә.Бөкейхан  атындағы лицей - мектебінің командасына берілді; 

- «Кегельринг – квадро» санатында ІII орынды М. Әуезов атындағы мектептің командасы жеңіп алды;

- «Робо – сумо» санатында ІІ орынды М.Жүсіп атындағы мектептің командасы ие болды;

- «Эстафета» санатында ІІ орынды М. Әуезов атындағы мектебінің және III орынды № 25 мектеп командалары иеленді;

- «Сызық бойынша жарыс» санатында II орынды № 25 мектеп, III орынды Б.Момышұлы атындағы  мектептердің командалары иеленді;

- «Биатлон – кіші санат» санатында ІІІ орын А.Шамкенов атындағы лицей-мектебінің командасына берілді;

Жеңімпаздар мен жүлдегерлер Павлодар облысы білім басқармасының І, ІІ, ІІІ дәрежелі дипломдарымен марапатталды.

Облыстық турнирдің жеңімпаздары 2023 жылғы 4 - 5 мамырда Астана қаласында өтетін «Robotek Grand Tournament» турнирінің республикалық кезеңіне қатысады.