Маңғыстау облысының Ақтау қаласында 2023 жылғы 10-12 мамыр аралығында Қазақстанның Халық жазушысы, қоғам қайраткері Әбіш Кекілбаевтың мұрасымен таныстыру мақсатында ұйымдастырылған «Әбіш оқулары» республикалық байқауы өтті.

 Байқау төрт бағыт бойынша өтті: Ә.Кекілбаевтің шығармаларын мәнерлеп жатқа оқу; үйде орындалған үш суретті ұсынып, «Көлденең көк атты» және «Галстук сатушы қыз» әңгімелеріне иллюстрация салу; жазушының шығармашылығы бойынша зерттеу жоба жазу; бір шығармасынан сахналық қойылым көрсету.

Іс-шараға Қазақстанның барлық өңірлерінен 160-тан астам 8-11 сынып оқушылары қатысты. Павлодар облысының құрама командасының құрамында «Иллюстрациялық сурет» бағытында байқаудың облыстық кезеңінің жеңімпазы, № 2 орта мектептің 10 сынып оқушысы Бауыржан Азиза болды.

Қазылар алқасының шешімі негізінде Бауыржан Азиза ҚР Оқу-ағарту министрлігінің ІІІ дәрежелі дипломымен марапатталды.