2023 жылдың 21 - 22 мамыр күндері Әлкей Марғұлан атындағы Павлодар мемлекеттік педагогикалық университетінде «VERITAS SCHOOL CUP» пікірсайыс турнирі өтті.

Аталмыш турнир қазақтың көрнекті ақыны, демократ, публицист және әдеби сыншы Сұлтанмахмұт Торайғыровтың 130 жылдық мерейтойына арналды. Пікірсайыс турнирінің мақсаты - Сұлтанмахмұт Торайғыровтың шығармашылығын кеңінен насихаттау және турнирдің ұрпақтар сабақтастығын дамыту, белсенді жастардың сыни тұрғыдан ойлау қабілеттерін дамыту, оны көпшілік алдында еркін жеткізе білуге үйрету.

Пікірсайысқа қаланың 9-11 сынып оқушыларынан құралған 20 команда, 40 оқушы қатысты. Командалар екі күн бойы сынға түсіп, өзара мықтыны анықтады.

Пікірсайыс әділқазыларының шешімі негізінде – «Ең үздік спикер», І дәрежелі дипломмен және Ә.Марғұлан атындағы Павлодар педагогикалық университеті ректорының Грантымен № 43 орта мектептің оқушысы, «Двойной Кратос» командасының қатысушысы – Ангелина Грищенко марапатталды.

№ 11 орта мектебінің «Парасат» командасы құрамындағы  оқушылар Анастасия Трошина мен Глафира Сергеева ІІ дәрежелі дипломмен марапатталды.

№ 7 орта мектебінің «With love to “Veritas”» командасы құрамындағы  қатысушылар Сәния Мұстахим мен Мағамет Жібекжан ІІІ дәрежелі  дипломға ие болды.  

Бес іріктеу кезеңінің нәтижесі бойынша ең үздік спикер болып № 21 орта мектептің оқушысы Лана Жексенова және «Крутышы милаши самые лучшие» командасының қатысушылары атанды.

Пікірсайыс турнирінің барлық қатысушылары сертификат иеленіп, олардың жетекшілері алғыс хатпен марапатталды.