Қаланың жалпы білім беретін мектептерінің дарынды балаларының жетістіктерін Павлодар қаласының әкімімен салтанатты кездесумен қорытындылау дәстүрге айналды.

       Облыстық және республикалық деңгейдегі зияткерлік конкурстар мен олимпиадаларда жоғары жетістіктерін көрсеткен дарынды балаларға құрмет көрсету 2023 жылғы 22 маусымда № 34 мектепте өтті. 8-11 сыныптың 45 оқушысы, жалпы білім беретін пәндер бойынша республикалық, облыстық олимпиадалардың, жалпы білім беретін пәндер бойынша Республикалық зерттеу жобалары конкурсының және республикалық шығармашылық конкурстардың жеңімпаздары мен жүлдегерлері қатысты.

         Кездесуде Павлодар қаласының әкімі Ержан Иманзаипов барлық қатысушыларды жоғары жетістіктерімен құттықтап, жақсы білім алып жатқан өскелең ұрпақ, Қазақстанның болашағы,оқушыларға өз елінің патриоты болып қалуларын тіледі.

       Марапаттау рәсімінде оқушыларға Павлодар қаласы әкімінің құттықтау  сөзі және 100 мың теңге сомасына ақшалай сертификаттар табыс етілді.

        Павлодар қаласының білім бөлімінің олимпиадалық командасы жыл сайын Павлодар облысының қалалары арасында "Үздік олимпиадалық команда" атағын жеңіп алады. Кездесуге қатысушылар өз жетістіктерімен 54 медаль, оның ішінде 13 алтын, 13 күміс және 28 қола медаль жеңіп алды.

    Марапатталғандар ішінде Республикалық пәндік олимпиадада орыс тілінен алтын медаль алған Жүнісова Сабина, № 35 мектептің 10 сынып оқушысы, география пәнінен күміс медаль  иегері  Соколов Вячеслав, № 39 мектептің 8 сынып оқушысы, биология пәнінен Комаров Максим, № 40 мектептің 10 сынып оқушысы, орыс тілі мен әдебиеті бойынша қола медаль иегері - Кузнецова Анастасия, № 29 мектептің 11 сынып оқушылары бар.