Павлодар қаласының білім беру бөлімінің «Павлодар дарыны» бос уақытты қамту және балалардың  дарындылығын дамыту орталығымен  Қазақстандағы Отбасы күнін мерекелеу аясында 2023 жылғы 8 қыркүйекте Павлодар қаласының жалпы білім беретін мектептерінің 4 сынып оқушылары мен олардың ата-аналарына арналған қалалық отбасылық олимпиада өткізілді. 

     Олимпиаданың мақсаты рухани, мәдени және зияткерлік дәстүрлерді сақтайтын ұрпақтар арасындағы байланыстырушы буын ретінде отбасылық ошақтың маңыздылығы мен құндылығын өзектендіру болып табылады.

         Қалалық іс-шараға Павлодар қаласы мектептерінің 31 отбасылық командасы қатысты.

         Олимпиада қорытындысы бойынша 14 отбасы жүлделі орындарға ие болды: I орын - 2, II орын – 5, III орын - 7, олимпиаданың қалған қатысушыларының жетістіктері «Қамқоршы отбасы», «Өнегелі отбасы», «Көңілді отбасы», «Креативті отбасы», «Парасатты отбасы» номинацияларымен марапатталды.

         Жеңімпаздар мен жүлдегерлер Павлодар қаласы  білім бөлімінің I, II, III дәрежелі дипломдарымен марапатталды.