Павлодар қаласы білім бөлімінің «Павлодар дарыны» бос уақытты  қамту және балалардың  дарындылығын дамыту орталығымен   2024 жылғы  9 қаңтарда сағат 10.00-де №7 мектепте (Жеңіс алаңы, 13) «Әбіш оқулары» республикалық ғылыми-шығармашылық конкурсының қалалық  кезеңі өткізіледі.

 Байқаудың мақсаты-поэзияға деген қызығушылықты қалыптастыру, өз ойларын ғылыми тұрғыда дәйекті түрде жеткізе білу қабілетінде өз білімін сынау, қазақ көркем әдебиетін оқуға баулу.

               Оқуларға  8-11 сынып оқушылары, байқаудың мектеп кезеңінің жеңімпаздары қатысады.

           Оқулар төрт номинация бойынша өтеді: - Әбіш Кекілбаев шығармаларынан «Иллюстрациялық суреттер салу»; - Ә.Кекілбаевтың шығармаларын жатқа оқу; - Ә.Кекілбаевтың шығармалары бойынша «Зерделеу жоба» конкурсы; - «Сахналық қойылым».

            Байқау қорытындысы бойынша жеңімпаздар мен жүлдегерлер Павлодар қаласы білім бөлімінің I, II, III дәрежелі дипломдарымен марапатталады. Қалалық оқу жеңімпаздары облыстық кезеңге қатысады.