2025 жылғы 6-8 қаңтар аралығында Павлодар қаласының № 35 жалпы білім беретін мектебінде және Ы.Алтынсарин атындағы дарынды балаларға арналған облыстық қазақ гимназия-интернатында 9-11 сыныптарының оқушыларына арналған жалпы білім беретін пәндер бойынша республикалық олимпиаданың облыстық кезеңі өтті.

Олимпиаданың мақсаты оқушылардың шығармашылық қабілеттерін дамыту, олардың теориялық білімдері мен практикалық дағдыларын тереңдету, жеке өзін-өзі дамытуға жәрдемдесу, дарынды балаларды анықтау үшін жағдай жасау, республикалық олимпиадаға қатысу үшін оқушыларды іріктеу болып табылады.

Республикалық олимпиаданың облыстық кезеңіне барлығы 716 оқушы қатысты, оның ішінде жаратылыстану-математика бағытына 302 оқушы, қоғамдық-гуманитарлық бағытқа 414 оқушы. Оның ішінде Павлодар қаласының жалпы білім беретін мектептерінің 66 оқушысы - қалалық кезеңнің жеңімпаздары.

Олимпиаданың облыстық кезеңінің қорытындысы бойынша павлодарлық оқушылар 45 жүлделі орынға ие болды: І дәрежелі дипломдармен - 8, ІІ дәрежелі дипломдармен - 11, ІІІ дәрежелі дипломдармен – 26 марапатталып, қалалар арасында «Үздік олимпиадалық команда – 2025» атағын алды.

І дәрежелі дипломмен  география пәні бойынша М.Әлімбаев атындағы орта мектептің 8 сынып оқушысы Бейсенбай Әділхас; қазақ тілінде оқытатын мектепте орыс тілі пәні бойынша № 35 орта мектептің,  9 сынып оқушысы  Тәтенова Алтынай;  орыс тілі мен әдебиеті пәні бойынша, А. Шамкенов атындағы мектеп-лицейінің оқушысы Татару Елизавета; орыс тілінде оқытатын мектептердегі қазақ тілі пәні бойынша ,№ 21 орта мектеп оқушысы  Қайтаева Зара және  № 36 орта мектеп оқушысы, Абдурахимова Әсел; құқық негізі пәні бойынша, № 29 орта мектеп оқушысы, Казкенов Ілияс; неміс тілі пәні бойынша, № 39 орта мектеп оқушысы , Садвакасов Фархат;  география пәні бойынша № 35 орта мектеп оқушысы Қайыржан Асылхан марапатталды.

ІІ дәрежелі дипломмен № 2, 7, 18, 29 (2), 35 (2), Ж.Тәшенев атындағы (2), 39 (2) мектеп оқушылары марапатталды.

ІІІ дәрежелі дипломмен № 2 (2), 7, 17, 25, 29 (2), 35 (3), 41 ЖОББМ, Ш.Шөкин (2), Қ.Бекхожин, А.Байтұрсынұлы (3), Ж.Ташенев (3), А.Шәмкенов атындағы мектеп-лицейі (2), Ә. Бөкейхан (3), Кенжекөл мектеп оқушылары марапатталды.

     «Ең жас қатысушы» номинациясы дипломымен информатика пәні бойынша олимпиадаға қатысқан, № 38 орта мектептің 6 сынып оқушысы Құсанов Имран марапатталды.

Олимпиаданың үздік нәтижелері үшін Торайғыров университеті және Ә. Марғұлан атындағы Павлодар педагогикалық университеті 11-сынып оқушыларына: №2 орта мектеп оқушысы Ахметов Елнарға,  №29 орта мектеп оқушысы Шевчук Еваға,  №35 орта мектеп оқушысы Қайыржан Асылханға  және №39 орта мектеп оқушысы Вирясова Кираға,  білім беру гранттарын табыстады.