2011 жылы 14 қазанда Балалардың бос уақытын қамту және шығармашылығы орталығы «ЛИД» ассоциациясының көшбасшылары №29 мектепте 4 ауысымның ашылу шарасын ұйымдастырып өткізді. Бұл іс-шараға Павлодар қаласының барлық мектептерінен жоғары сынып оқушылар кеңестері президенттері мен көшбасшылары жиналды.

Мұнда ассоциацияның  жалпы қызметі жайлы айтылып, тақырыпқа байланысты видеобейнелер көрсетілді. Сонымен қатар әрбір бағыттың жетекшілері мен көшбасшылары жиналған қауым алдында өз қызметтерінің нәтижесін көрсетіп, барлық балаларды қоғамдық белсенділікке шақырды. Шара өте қызықты өтіп, шақырылған көшбасшылар «ЛИД» бағытының жұмысына қызығушылықтарын танытты. «ЛИД» көшбасшылары өздерінің барлық жетістіктері мен еңбектерін Қазақстан Республикасы Тәуелсіздігінің 20-жылдығына арнайды.