.

1  маусым   - Халықаралық  балаларды қорғау күнін Павлодар қаласының  тұрғындары көтеріңкі көңіл-күймен  қарсы алып,кеңінен атап өтті.

Негізгі  мәдени шара Ленсаябағындағы сахна төрінде өрбіді.Мұнда  ББУҚШО  клубтарының  «Балаларға  көңіл-күй  сыйлайық»  атты концерттік бағдарлама  ұйымдастырылды. 

Әсем ән мен тәтті күйден  жыр сыйлаған дарынды ұл-қыздар  жиналған жұртшылықты өнерлерімен тәнтті етіп,көңілдерінен шыға білді. Балғындардың   жүзін нұрға бөлеген мереке Павлодар қаласының  әр шағын ауданында аталып өтті.

Концерттік бағдарламасы  барысында облысымыздың бетке ұстар ұл-қыздары  ерекше  қошеметтелді.Олардың қатарында республикалық  олимпиадаларда  және зияткерлік,спорттық,шығармашылық байқауларда топ жарған оқушылар бар.  Осындай жеткіншектердің тілегі қабыл болып,ұлт болашағы-келер ұрпаққа деген қамқорлық үзілмесе екен деген тілек білдіреміз.