Оқушылардың патриотизм сезімін тәрбиелеу және қазақ халқының ұлттық салт-дәстүріне қызығушылығын дамыту мақсатында Балалардың бос уақытын қамту және шығармашылығы орталығында «Біз – Патриотпыз!» шарасы өтті. «Азамат» патриоттық мектебінің жетекшісі Кучуркина Ирина Сергеевна патриотизм дегеніміз не, «Қазақстандық патриотизм» түсінігі нені білдіретіні туралы әңгіме жүргізді. Балалар блиц - турнир сұрақтарына ерекше қызығушылық көрсетті, қазақ халқының салт-дәстүрі және мәдениеті туралы өз білімдерін көрсетті. Кенжегалина Айнагүл Аманкелдіқызы, ұйымдастырушы-ұстаз қазақ халқының ұлттық ойындары, салт-дәстүрі туралы айтты. Соңында балалар осы тақырып бойынша кіші-тұсау кесерге қатысты. Шараға № 1, 27, 6, 34, 24, 22, 7, 37 мектеп оқушылары қатысты.