30 қыркүйекте «Сауран» БЖК «Менің жасым – менің байлығым»- атты сайыс өтті. Іс-шараға төрт әжелер мен немерелерінен құралған жұптар және бір атасы мен немересінен құралған жұп қатысты.

Сайыста ата мен әжелер немерелерінің қолдауымен шығармашылық, тапқырлық, тағам дайындау және мақал-мәтелдерді білу кезеңдерінен сынға түсті. «Тағам дайындау» сайысында қатысушылар өте дәмді әрі аз заттардан пісірілетін тағам сырларымен бөлісті. Сайыскерлер мен көрермендерді таң қалдырғаны, сайысқа қатысқан жалғыз атамыз кезінде аспазшы болған екен, ол шашпа палауды даярлаудың сырларымен бөлісті. Барлық қатысушылар сайыстың барлық кезеңдерінде жақсы нәтижелер көрсетті. Қазылар алқасы нағыз жеңімпазды анықтай алмағандықтан, барлығы дипломдармен марапатталды.