“Бірыңғай мемлекеттік тіл күні” акцияcы өтті.

Тіл – қай ұлтта, қай елде болса да қастерлі, құдыретті. Тіл байлығы - әрбір елдің мақтанышы. Ол атадан – балаға мирас болып қалып отырған баға жетпес мұра. Елбасымыз Н.Назарбаевтың “Біз бүкіл қазақстандықтардың басын біріктіретін басты фактор- мемлекеттік тіл-қазақтардың ана тілін дамыту үшін барлық күш-жігерімізді жұмсауымыз керек”- деген пікірі баршамызды ойландырар қағида болып қалыптасты.

Елімізде тіл саясаты – қазіргі таңның аса маңызды өзекті мәселелерінің біріне айналып отыр. Мемлекеттік тілдің мәртебесін көтеру мақсатында қабылданған тілдерді қолдану мен дамытудың мектепішілік бағдарламасы аясында біршама игі істер атқарылуда. Солардың бірі - әр айдың бірінші сәрсенбісінде “Бірыңғай мемлекеттік тіл күні” акцияcын өткізу.

2010 жылғы 5 мамыр күні мектебімізде “Бірыңғай мемлекеттік тіл күні” акцияcы шеңберінде түрлі іс-шаралар ұйымдастырылды.

Бастауыш сынып оқушылары арасында ұлттық ойындар ойналды. Балаларға «Мыршым» ойыны өте ұнады.

6-7 сынып оқушылары арасында «Әнді сүйсең, менше сүй» караокемен ән айту сайысы өтті. 6 «а» сынып оқушысы Аманбай Ризабек жеңімпаз атанды.

1-10 сынып оқушылары арасында «Білгірлер» сайысы ұйымдастырылды. Оқушылар кабинет есіктеріне ілінген тапсырмаларды орындап, үзілістерде вахтаға әкеліп отырды. Жоғары сынып оқушылары кеңесі орындалған тапсырмаларды тексеріп, қорытынды жасап отырды. Бұл сайыста 3 «а» және 1 «а» сынып оқушылары белсенділік танытып, жеңіске жетті.

5-8 сынып оқушылары арасында «Алтын сақа» ойыны ұйымдастырылды. Қазақ халқының салт-дәстүрлеріне байланысты өткізілген бұл сайыста 6 «а» сынып оқушысы Мұрат Әділ жеңіске жетті.

Сайыстардың жеңімпаздары мен белсенді қатысқан оқушылар сыйлықтармен марапатталды.