Мың сіз-бізден бір шыж-быж артық дегендей, Құрметті оқушылар, олардың ата-аналары, Абайдың шығармалары бойынша эссе жазудан конкурс! Абай шығармаларын жаттау, оны мәнерлеп оқу аз! Абайды ұғыну керек, айтпақ болған ойын көңілге тоқу керек. Осы оймен мен балаларымыз Абайды қалай түсінеді екен деп, конкурс жариялауды ұйғардым. Эссені үш бағытта жазуға болады: өлеңдері, поэмалары және қара сөздері бойынша. Эссенің көлемі 2500 сөзден аспау керек. Баланың қойған тақырыбынан бастап, тақырыпты дәйекті де дәлелді ашуы және тіл көркемдігі мен байлығы да бағаланады. Конкурсқа тек мектеп оқушылары мен колледждің 1 курс студенттері қатыса алады. Эссе электронды нұсқада dinislam.qz@gmail.com электронды адреске 2020 жылдың 10 наурызға дейін жіберсеңіздер болады. Жеңімпазға сыйлық ретінде суреттегідей белсебедті беремін. Өйткені балаларымыз тек білімді емес, шымыр да болуы керек!