Мемлекеттік рәміздер Қазақстан халқының рухани құндылықтарын, оның жерінің байлығын және тарихтың мызғымастығын көрсетеді. Қазақстан Республикасының Мемлекеттік рәміздері өзінің тарихи тамыры мен дәстүрі бар жас егемен мемлекетті бейнелейді. Сондықтан әрбір адам үшін өз елінің қасиетті рәміздеріне деген шынайы құрмет пен ерекше қарым-қатынасты өскелең ұрпаққа жеткізу қажет. Мемлекеттіліктің атрибуттары: Ту, Елтаңба, Гимнді зерделеу, олардың мәні мен маңызын түсіндіру Тәуелсіз Қазақстанның болашақ азаматтарын тәрбиелеудегі негізгі бағыттардың бірі болуға тиіс.