2024 жылғы 05 маусымда Павлодар қаласында Павлодар облысының әкімі Асаин Байханов пен беделді зияткерлік сайыстардың жеңімпаздары мектеп оқушылары мен олардың ұстаздары арасында кездесу өтті.

           Аймақ басшысы 100 мың теңгенің ақшалай сертификаттары мен алғыс хаттарын табыс етті.

      Бұл жоғары марапатқа мектебіміздің оқушылары, оқу озаттары, «Алтын белгі» төсбелгісіне үміткерлер, география пәнінен Республикалық олимпиада жеңімпазы -Вячеслав Соколов және ағылшын тілі пәнінен республикалық олимпиаданың жеңімпазы Хуснутдинова Руфия ие болды.

         Жемісті еңбегі мен жоғары шеберлігі үшін мектебіміздің мұғалімдері – география пәнінің мұғалімі Жұмабаева Асия Камалиденқызы мен ағылшын тілі пәнінің мұғалімі Надежда Юрьевна Крюковская облыс әкімінің Алғыс хаттарымен және ақшалай сертификаттарымен марапатталды.

          Асаин Қуандықұлы барлық қатысушыларды жоғары жетістіктерімен құттықтап, дарынды жастарға сенім білдіріп, өз елінің патриоты болып қала берулерін тіледі.

          Оқушылардың республикалық пәндік олимпиадасының қорытындысы бойынша №39 мектеп республикадағы үздік 100 мектептің қатарына енді.