Біліктілікті арттыру курсы

Алматы қаласында бесінші сәуір мен он алтыншы сәуір аралығында «Қазақ тілі мен әдебиеті мұғалімдерінің инновациялық іс-әрекетін әдістемелік қамтамасыз ету» тақырыбында біліктілікті арттыру курсы өтті.

Қала мектептері мұғалімдерінің ішінде № 39 орта мектебінің қазақ тілі мен әдебиеті мұғалімі Гүлнәр Шәпенқызы Әбденова да болды. Курсқа Қ.Қ.Жүнісханова ғылыми жетекшілік етті. Екі жұма тыңғылықты жұмыс істеген ұстаздар көптеген маңызды да қызғылықты семинар, дәріс алып, тренингтерден өтті.

Педагогикалық практика Абай атындағы Республикалық мамандырылған дарынды балаларға арналған қазақ тілі мен әдебиетін тереңдете оқытатын орта мектеп- интернатында, Шалтай Смағұлов атындағы Алматы облыстық мектеп- интернатында өтті. Жалпы 72 сағат жұмыс істеп, білімдерін жетілдірген мұғалімдер «Аудандық (қалалық) ӘК әдіскерлерінің жаңа формация қалыптастырудағы рөлі» атты конференцияға қатысты. Өзара тәжірибе алмасқан ұстаздардың бірі Гүлнәр Шәпенқызы Әдбенова мектепке көп олжамен қуанышты оралды.