Сәуірдің жетісі күні № 39 орта мектебінде «Қазақша сөйлесейік!» акциясы өтті. Аталмыш акцияда көптеген қазақ тілі мұғалімдері ат салысты.

Барлық сабақтар қазақ тілінде басталып, өзге тіл мұғалімдеріне сөздік қалташалар таратылды. Қабылдау бөлмесінде, асханада, кітапханада, медицина бөлмесінде қабылдау қазақ тілінде жүргізілді. Сынып жетекшілері сынып сағаттарында атап өтсе, жауапты ұстаздар Г.М.Минап пен Б.И.Есембаева «Сен рәміздер туралы не білесің?» атты кез келген сынып оқушыларымен сұхбат жасап, оқушылардың білімдерін тексерді. С.Г.Жұмабаева жүргізген сөзжұмбақтар, Б.Ж. Темірбаева өткізген «Салт – дәстүрлерді білесің бе? сайыстары қызықты өтсе, Б.И.Есембаева ұйымдастырған шығармашылық кеш мазмұндылығымен тартымды болды. Төменгі сынып оқушылары да қарап қалған жоқ. Қазақ тілі мұғалімдері Ж.Қ. Қайырбаева мен А.А.Нұралина қоржын- шашуларын дайындады. Мектептің бірінші қабатында ұйымдастырылған «Өмір айнасы» атты көрме өз алдына мол дүние десе болады.