Инновациялық үлгідегі гимназиялық сыныптары бар №39 жалпы орта білім беру мектебінде Тілдер мерекесі онкүндігі аясында жерлес ақынымыз Қалижан Бекхожиннің шығармашылығын насихаттау мақсатымен дәстүрлі «VІІ Қалижан оқулары» өткізілді. «Өршіді өлеңімде өмір сыры..» деп жырлаған ақын шығармашылығымен таныс болып, ақынның өлеңдерін нақышына келтіріп оқуға барын салған оқушылардың алды болып 5 «А» сынып оқушысы Жұмабаев Елдос жүзден жүйрік озып шығып, бас бәйгеге ие болды. І орынға 7 «А» сынып оқушысы Тұрсынова Дильназ, ІІ орынды 5 «Д» сынып оқушысы өзге тілді Бябина Катя иеленді, ІІІ орынды 5 «А» сынып оқушылары Болатбеков Бекжан мен Садыкова Индира теңдей бөлді. Бұл мәдени шара оқушылардың қазақтың әдеби мұрасына деген қызығушылығын оятып, өскелең ұрпақтың рухани дамуына мүмкіндігін туғызды.

Қазақ тілі мұғалімі Б. Қ. Мұқышова