Ақпанның 1 күні №39 мектепте мектепішілік «Өлең – сөздің патшасы, сөз сарасы» атты Абай оқулары өтті. Абай оқулары сайысына 5, 6, 7 сынып оқушыларынан барлығы 20 оқушы қатысты. Балалар қазақтың ұлы ақыны Абай Құнанбаевтің өлеңдерін, аудармаларын, қара сөздерін мәнерлеп, нақышына келтіріп айтты. Үзіліс кезінде жанкүйерлер мен қатысушыларға Абай атамыздың өмірі мен шығармашылығынан танымдық сұрақтар қойылып, сөзжұмбақ шешті. Сайыста топтан озып шыққан оқушылар болды. Олар: 1 орынға – Садвокасова Фатима, Шарыпова Луиза, 2 орынға – Сейсембаева Аружан, Садвакасова Ақбота, 3 орынға - Андрусь Юлия, Төлегенова Гүлсая ие болды. Сертификатпен марапатталған оқушыларда болды. Олар: Машнова Елена, Галикова Кристина, Сарманова Динара. Мектебіміздің қазақ тілі мен әдебиеті мұғалімдері мәнерлеп оқу сайысына оқушыларды жақсы дайындағандары үшін алғыс айтамыз. Келесі жылдары да қатысушыларымыздың саны азаймайтынына біз сенеміз! Абай оқуларын ұйымдастырған қазақ тілі мұғалімі Тұмарбекова Назгүл Елубайқызы.