2022 жылы 13 желтоқсан Тәуелсіздік күніне орай "Желтоқсан жаңғырығы" атты кездесу кеші өтті. Кездесу кешіне арнайы қонақтарымыз Ә. Марғұлан атындағы павлодар педагогикалық университетінің филология ғылымының кандидаты, профессор Шақаман Ырысгүл Бектемірқызын және мектебіміздің химия пәнінің мұғалімі Омарова Акгуль Алтыбаевна шақырылды. Кездесу 1986 жылы өткен "Желтоқсан оқиғасы" құрбандарын еске алу мақсатында минуттық үнсіздікпен басталып, аталған тақырыпқа сай видео материал көрсетіліп, қонақтарымызбен сұхбат жүргізілді. Қонақтарымыз Желтоқсан оқиғасына байланысты өз ойларымен бөлісіп өскелен ұрпаққа тілектерін білдірді. Кеш соңын 10 "а" сынып оқушылары "Желтоқсан желі" атты қойылыммен аяқтады.