Республикалық Бірыңғай «Жас Ұлан» балалар мен жасөспірімдер ұйымы қатарына қабылдау рәсімі өтті.
2014 жылғы 11 желтоқсан күні
Кең байтақ, көз жетпейтін жерім менің,
Таулы орман, жасыл жайлау көлім менің.
Бүгінде бар әлемге даңқың жетті,
Тәуелсіз Қазақстан – елім менің
- дей келе, мектебімізде Қазақстан Республикасының Тәуелсіздік күні қарсанында Республикалық Бірыңғай «Жас Ұлан» балалар мен жасөспірімдер ұйымы қатарына қабылдау рәсіміне арналған салтанатты жиын өтті. Мектебіміздің 63 оқушысы, әр түрлі олимпиадалар мен жарыстардың, байқаулардың, сайыстардың жеңімпаздары Республикалық бірыңғай «Жас ұлан» балалар мен жасөспірімдер ұйымының қатарына қабылданды. Галстуктерді мектебіміздің директоры, директордың патриоттық тәрбие жөніндегі орынбасары Анатолий Кайырбекұлы Сатыбалдин, мектеп президенті, мектебіміздегі «Жас Ұлан» ұйымының жетекшісі мен жас ұлан мүшелері және ДОТЖжО тақты. Тәуелсіздігіміздің тұғыры биік, халқымыздың еңсесі жоғары, егемендігіміз баянды болсын.
