Қымбатты соғыс ардагерлері мен тыл еңбеккерлері! Құрметті әріптестер! Сіздерді 9-мамыр – Ұлы Жеңіс Күнімен шын жүректен құттықтаймын! Жеңіс күні - жарқын әрі қасиетті мереке. Сұрапыл соғыстың небір қиыншылықтарын бастан кешіп, бейбіт өмірімізді қалыптастыруға қажырлы еңбек еткен, елін қорғаған ардагерлеріміздің ерліктеріне бас иіп, жадымызда мәңгілік сақтаймыз! Әрбір майдангер - ол ерлік пен Отанға деген сүйіспеншілік өнегесі, ардагерлеріміздің баға жетпес ерліктері бүгінгі ұрпаққа жоғары рух, патриоттық тәрбие береді. 9 Мамыр мерекесі баршыларыңызға қуаныш сыйласын, еліміз аман, жұртымыз әрқашан тыныш болсын! Аспанымыз ашық, дендеріңіз сау болып, бақытты да бейбіт өмірдің куәсі бола беріңіздер!