№2 жалпы орта білім беру мектебінің «КҮНШУАҚ» жазғы сауықтыру орталығы бүкіләлемдік «ЭКСПО-2017» көрмесінің өтуіне байланысты аталмыш шараны қолдайтындарын білдіріп, «шығармашылық шеруге» шықты.
Іс-шараны сауықтыру орталығының жетекшілері ұйымдастырды. Демалушылар тәлімгер, тәрбиешілерімен бірге алдын-ала белгіленген бағыт бойынша «ҚАЗАҚСТАН! НҰРСҰЛТАН! ЖАС ҰЛАН!» ұранымен Крупская – Кутузов –Лермонтов – Короленко көшелерін жүріп өтті.
Топты мектептің жас өнерпаздары, спорт жеңімпаздары бастады. Балалар Қазақстан және «ЭКСПО-2017» жалаушаларын желбіретіп, қолдарына түрлі-түсті шарлар ұстады. Іс-шара соңынан балалар шарларын аспанға ұшырды.

Айгүл МОЛДАШ.