Мектебімізде алғашқы қоңырау үні сыңғырлады. Мерекелік шара мектебіміздің директоры Асылбекова Надежда Бәкібайқызының құттықтау сөзімен басталды. Барлық оқушыларға, мектеп табылдырығын алғаш аттаған бүлдіршіндерге алдағы уақытта жақсы білім мен жақсы тәрбие алуға, еліміздің үлгілі азаматтары болып қалыптасуына тілектестік білдірді.

   Жаңа оқу жылындағы құттықтаулардан кейін егемен елдің болашақ ұрпақтары, мектепке енді ғана қадам басқан бірінші сынып оқушылары жалықпай білім іздейтіндіктерін білдіріп, өлең шумақтарын оқыды. Оларға мектеп бітіруші түлектері қанаттарының талмауын тіледі.

  Салтанатты шарада мектептің өнерпаздары ән шырқап, би биледі. Жиын барысында көптен күткен күміс қоңырау соғылып, білім ордасының тәжірибелі ұстаздары мен білікті мамандары оқушыларды білім нәрімен сусындататын болады.