К.Макпалеев атындағы №4 жалпы орта мектебінің «Назерке» (5-7 сынып оқушылары) домбырашылар оркестрі 2013 жылдың сәуірдің 5 күні «Балауса 2013» фестиваліне қатысып, «лауреат» атанды. 5-6 сынып оқушылары Ж.Енсеповтың «Балбұлақ» күйімен 75 ұпай, ал 7 сынып оқушылары А.Райымбергеновтың «Секіртпе» күйімен 85 ұпай жинап, жеңімпаз атанды.

            7 сынып оқушылары біздің мектебіміздің «Мұрагер» бағдарламасының бастаушылары. Қолдарына бал тамған, шебер балалар. Ал, оларды домбыраға кішкентайынан қызығушылықтарын оятқан, білік дағдыларын дамытқан «Мұрагер» бағдарламасының жетекшісі – Асылбекова Назигүл Қырықбайқызы. Бұл топ 2007 жылдан бері жеңімпаз атану үстінде! Енді, алда күтіп тұрған гала – концертте тек сәттілік тілейміз!