«Әй, жарайсың!»

Қаңтардың 27-ші жұлдызында, Павлодар қаласының №29 орта мектебінде қалалық «Әй, жарайсың!» - байқауы өткізілді. Қалалық білім беру бөлімінің қызметкерлері ұйымдастырған бұл байқауға біздің мектебіміздің орыс сынып оқушылары қатысып, өз өнерлерін көрсетті. Байқаудың I-ші бөлімінде оқушылар өз-өзін таныстырып шықты.

II-ші бөлімінде капитандар жарысы болды. Топ басшысы 7-ші сынып оқушысы Марковская Анна сұрақтарға мүдірмей жауап берді. III-ші бөлімде өнерпаздар ұлттық аспаптарда ойнап, қазақтың «Еркем-ай» әнін шырқады. Алдағы болатын қалалық турға жолдама алған оқушыларды көптеген жұмыстар күтіп тұр. Пән мұғалімдері: Сейітқанова Мая Темірғанатқызы мен Сейітова Гүлсім Қанапияқызы әлі де оқушылармен қосымша жұмыс істеп, жүлделі орын алсақ – дейді.