К.Макпалеев атындағы №4 жалпы орта мектебінің 7 сынып оқушылары 14 мамыр күні өткен «Өркенің өссін» атты қалалық сайысқа қатысып, іріктеуден өтті.

1 – бөлім: «Абай менен Мағжанның» атты өзін - өзі таныстыру сайысы;

2 – бөлім: Топ басшылар сайысы;

3 – бөлім: Шығармашылық кезең.

7 сынып оқушылары қатысқан топ - «Ояң, қазақ!» деп аталған. Бұл топ – үкілеген үміттерімен, топты жарып, қолдарына домбыраларын алып, өз өнерлерін ортаға салды.

7 сынып оқушылары мектебіміздің бетке ұстарлары, мақтанышы. Атаулы сыныпта дарынды, талантты, өнерлі оқушылар жиналған деп те айтуға болады. Себебі, 2012 жылы өткен «Ең таңдаулы сынып – 2012», «Балауса», КВН ойындарының белсенді қатысушылары бар. Сондықтан, 22 мамыр күні өтетін финалда «тек алға!» дегіміз келеді.